Жаҳон кураш мутахассислари Тошкентда жамланди
Халқаро кураш институтининг уч ойлик онлайн курсининг якуний амалий босқичи старт олди, жаҳон кураш мутахассислари Тошкентда жамланди.
2025 йил 24 октябрь куни Тошкент давлат транспорт университетининг Кураш мажмуасида Халқаро Кураш Институти томонидан Халқаро Кураш Ассоциацияси ҳамкорлигида ташкил этилган уч ойлик онлайн курснинг якуний амалий босқичи бошланди. Ушбу интенсив машғулотлар Курашнинг дунё бўйлаб оммалашуви ва ривожланиши учун юқори малакали мутахассисларни тайёрлашда янги босқични бошлаб берди.
Амалий босқичнинг тантанали очилиш маросимида КСА Президенти Комилжон Рузиев, Халқаро Кураш Институти ректори Ҳабибулла Таджиев, Халқаро Кураш Ассоциацияси Бош котиби Муҳаммад Ризо Нассири ва Халқаро Кураш Ассоциацияси Администрация раҳбари Мансур Мирзаев, Тошкент давлат транспорт университети проректори Саид Шаумаров шунингдек, институт профессор-ўқитувчилари ҳамда хорижий кураш экспертлар – КСА Техник директори Али Шахеркани, Мухаммад Вохид Поресфадиёр ва 15 га яқин хорижий давлатлардан 30 нафарга яқин курс иштирокчилари қатнашдилар.
Мазкур тадбирдан асосий мақсад – халқаро даражадаги мураббий ва ҳакамларни тайёрлаш ва курашнинг ягона халқаро стандартлари асосида таълим беришдан иборатдир.
Бир ҳафталик интенсив амалий машғулотлар давомида иштирокчиларга Ҳакамлик бўйича билим ва кўникмалар ҳамда Кураш Усулининг барча техникалари, самарали машғулот методикалари Халқаро кураш институти экспертлари томонидан ўргатилади.
Якуний амалий босқич, онлайн курс давомида назарий билим олган фаол ва интилувчан иштирокчилар учун ўз маҳоратларини амалиётда синаш ва юқори даражага олиб чиқиш учун имкониятдир.
Тафсилотларни бизнинг ижтимоий тармоқлар орқали кузатиб боринг.
<iframe width="1250" height="703" src="https://www.youtube.com/embed/_OhgQOPbGfU" title="World-class Kurash specialists in Tashkent" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
